食完早餐我地就出發去機張食蟹. 先坐地鐵由中央洞站搭到西面站, 再找樂天百貨公司前的巴士站轉1006巴士. 搭地鐵十分簡單問題不大, 而且到西面站時更有熱心(而且英文又OK)的站務員幫我地找到正確的出口, 十分helpful. 至於搭巴士部份, 對於我地一粒韓文都唔識既外國人來說, 真是非常大的考驗, 畢竟巴士上是只有韓語提示的!!
而我地要搭的1005號巴士, 只有在巴士頂的大牌寫著中文字"機張". 車內有站名路線圖, 可惜全部符號(韓文), 一粒字都睇唔明, 真令人十分懊惱!(幸好車資是用阿拉伯數字寫的), 但畢竟這巴士是除的士外唯一可到機張的交通, 也唯有膽粗粗照搭, 希望可以靠窗外的景色去辨認何時落車.
(左圖:全符號的路線圖)
網上的資料說車程約五十分鐘, 但這一程車我感覺真係搭左非常之耐, 可能因為我擔心唔識落車有關. 車內每個站都有廣播, 但大部份是只講韓語, 只有幾個站有英文廣播站名. 搭左好耐好耐(約1小時), 搭到全車的乘客都落曬車, 我都未見倒有蟹食既建築物. 此時司機叔叔真是十分好人, 停低架車問我地去邊(用韓語), 我答咩都無用, 因為司機叔叔除左韓語咩都唔識聽. 於是我把旅遊書裡"蟹"的相片給他看, 佢一睇就知道我地要去邊, 立即車前一兩個街口指俾我地睇果條蟹街既位置. 跟住佢又比手劃腳咁講一大輪韓文, 又寫左句韓文字條俾我, 我估佢既意思係, 1005線回程無得搭, 要搭其他車之類. 雖然無咩作用, 但感覺倒佢十分熱心.
不過我都唔理得咁多, 食完蟹先算! 落左車之後行左一陣就到達機場蟹市場. 這個蟹市場由一條街有十多間蟹店組成, 又是阿珠媽的領土. 蟹店都把大大堆的活蟹放在店門前的水缸內供客人選購, 當然唔少得阿珠媽們落力的推銷. 我們站在其中一間小店門前, 阿珠媽先對我地講一堆韓文, 跟住又講了一堆日文, 見我地無反應終於講倒少少英文. 阿珠媽手裡拿起一隻阿拉斯加長腳蟹, 加一隻松葉蟹, 用計數機稍為講價少許, 以55,000won成交!
成交後阿珠媽便把兩隻蟹放進門口的蒸箱裡蒸, 我們便在店內等食. 這間店子只有五六張枱, 但都坐左三四枱客人. 座位是席地形式, 即我地今餐又要橋埋對腳坐了.坐下來有另一位阿珠媽又端出六七碟kimchi, 我地一邊食一邊等待我地d蟹. d蟹蒸熟後便立即捧進來, 有兩位阿珠媽便立即三扒兩撥把兩隻蟹拆蟹, 好快兩隻大蟹就端到我地面前, 要開餐喇!
一大盤蟹肉, 用最簡單的烹調方法, 鮮味簡直沒法檔!!阿拉斯加長腳蟹d蟹肉好多, 蟹腳的肉比起超市的蟹柳還要大條!!真係成世人未食過咁多肉既蟹, 我同肥肥起勢係咁狂食蟹, 份量多到飽得有點頂喉嚨!! 最利害係d蟹羔大舊到半隻手掌咁大舊, 人一世物一世, 無懼膽固醇照食曬佢!!食曬d蟹肉剩低個蟹蓋, 加多2000won仲可以黎個蟹蓋炒飯! 熱呼呼的炒飯放到蟹蓋上, 令成餐蟹宴感覺好圓滿, 我同肥肥都好satisfy!
食飽飽之後我地要出發去另一個景點: 海雲台.
我地往市場前門的方向找巴士站. 唉, 不過個巴士站只係得一個牌, 全部(除左巴士號碼之外)都係符號文字. 根本無辦法知道搭邊架同邊個方向, 唯有問人啦! 巴士站旁有一個五六十歲的阿伯著住反光衣, 我以為佢可能係巴士站d人, 所以向佢問路. 因為唔識讀"海雲台"的韓文, 唯有俾本書佢睇(書上只有中文字), 不過佢好似都唔太知道, 加上又有d老眼昏花亂咁指, 佢寫左"1006"俾我地睇, 咁我地都唯有照等1006號巴士啦! 不過等等下發現自己無散紙, 唯有找間便利店買d野唱錢. 可是最近的便利店都隔左成條街, 去到便利店時, 店員是一個廿多歲的女仔, 我決定再問多次佢點搭車去海雲台, 果位小姐英文好OK, 清楚咁指俾我地睇在那裡搭車同方向, 佢叫我地搭37號, 仲話1006去唔倒海雲台架!! 嘩, 真係好險呀, 好彩無信個伯伯ja!! 呢個故事教訓我地, 問路記得問d後生既.
搭上37號, 約半小時便到海雲台了. (海雲台站有英語廣播, 而且好易認倒). 這裡有個沙灘, 算是釜山的一個地標. 不過當時很冷, 風很大, 海灘幾乎人影都無個, 附近都是高級酒店區, 都無咩行. 在沙灘裡吹了片刻海風, 發現有間水族館. 我地對水族館無咩興趣, 反且佢有個立體電影就幾想睇, 海報有大白鯊個樣, 好似幾刺激咁. 於是我地每人付出約HK$40的價錢進去看看, 電影要帶立體眼鏡的, 張椅又會郁下郁下咁配合電影, 不過內容同大白鯊全無關係, 而且只得5分鐘, 超呃錢!! 
之後我地決定到沙灘旁邊的Angel-in-us coffee買杯咖啡睇下海景relax下, 這間cafe的格局都幾靚幾型格, 有一個大大的落地玻璃窗可以欣賞海景. 點了一杯綠茶latte, 非常好飲. 我亦開始研究點去下一個地方, 飲食男女介紹的:"東海海物湯"食海鮮鍋. 可是依照飲食男女的超簡陋地圖, 根本找不到!! 又只有中文地址, 大佬呀, 的士司機都睇唔明啦! 唉, 我地盲摸摸咁沿海邊找了一段時間, 飽受寒風猛吹, 吹到塊面都無知覺, 還是找不到呢.....唯有搭的士, 的士司機是靠輸入電話到GPS找到位置, 原來係要上山的, 距離根本無法步行前往, 終於搭到的士上去, 到達餐廳的大樓, OMG!!!!!!!!!!!間餐廳居然執左笠!!!!!!!!!!!!妖!!!!!唉, 無辦法, 不過其實我地都未肚餓, 還是搭番的士去附近的E-MART行下超市, 這超市好大啊, 但我地因為免得托住行李去日本所以無買到野. 之後我地決定搭番地鐵回中央洞酒店附近的烤肉店食烤肉.搭左成廿個地鐵站, 真係搭到個人呆曬. 大約40分鐘回到中央洞, 終於食倒昨天很想吃的烤肉店喇!
坐下來, 又時阿珠媽負責招呼客人. 烤肉店的餐牌全是符號, 又沒有圖片, 完全睇唔明. 阿珠媽又不懂英文, 真係溝通困難!! 我地唯有指住其他食客的烤肉, 然後阿珠媽又自行推介d烤肉俾我地啦. 這裡吃烤肉, 原來以五花腩最多人食, 因為五花腩的肥肉油脂配合燒烤真係天衣無縫!! (6500won/一人份)而且好有肉味, 反而點了薄片肥牛就完全唔掂, 一d肉味都無!! 我地仲叫了韓國燒酒, 配烤肉又係好正. 韓國人飲燒酒比啤酒多, 很多時都見倒其他食客飲燒酒的. 這一餐的烤肉真係好難忘! 食完三份豬, 1份牛, 還是覺得要加點澱粉質落肚, 於是再點多個辛拉面, 嘩, d湯底是韓式湯底, of coz唔係平時果d味精粉啦! 坐要一鍋咁上, 這一餐又是非常之satisfy!!!!!
餐廳收10點, 我地食完之後遇到落雨, 唯有到附近一間幾優雅既酒吧裡坐了一陣, 我點了一杯花茶, 肥肥則點了燒酒. 隔了一陣, 雨開始減弱, 我地就跑回酒店, 沖個靚涼訓個靚覺.
沒有留言:
張貼留言