hssc babies gathering

今天又到了孖精家聚會, 有這個地方多好, 她的家又乾淨整齊, 可以慢慢傾計. (我的家又遠又有狗又污漕, 我都不敢邀請她們, 尤其是要保持高度衛生的kaka&CBB啦). 先在十勝豚丼吃過飯, 再上孖精家. CBB今天都係一樣咁好精神啊, 周圍抓然後塞落口, 又不停噴口水, 我俾佢係咁抓塊面.....-_-"

勁似kaka老公 - 一副寸樣

同佢地傾計真係開心, 說東說西又一個下午. 一班女仔對美容話題就停唔倒口係咁雞啄唔斷了!晚上回家前先到一田逛一逛, 又忍唔住買了些靚野回家做晚餐......keke......次次去一田都忍唔住的...是日晚餐 :

(左) 18個月pama ham 配水牛芝士 : 剛好見倒一田的肉櫃有風乾火腿賣, 18個月$60/100g, 不是太貴買了50g嚐嚐, 不錯啊, 下次會試24個月的, 會再咸些. 賣肉的說這火腿配較啖味的水牛芝士就夾, 確實不錯呢!

(右) US Prime sirloin. 這小小一片要八十多元呢! 買了一片同肥肥一人一半好了. 西冷的脂肪分佈平均, 肉味較濃, 是我最喜歡牛的部分. 靚扒不用醃呢, 把鑊燒熱(係要勁熱), 每邊大火煎分半鐘(7成熟, 下次煎1分鐘便剛好是medium了), 不用落油, 上碟時加少許海鹽上面就夠味了, 好正啊~

肥肥再弄了三文治, 另外做了生菜沙律, 簡易西餐很快完成了~Bon Appetit!

周六自家煮-蒜蓉牛油烤雞

由於昨天及明天都要過海,今天打死都不會離開屯門. 這個周未沒有約人, 留在家中做快樂的自煮.一次網遊時找到松露玫瑰的食譜, 決定要跟她的做法試這個{40 瓣大蒜烤全雞}.
不知我的焗爐是不是不夠火, 焗完沒有她說的可把雞汁吸乾, 但效果都不俗. 以下是我做的版本.
材料: 冰鮮雞1隻, 4棵蒜頭(分開一粒粒不用去衣), 牛油100克,橙1個

調味料有: 海鹽, 香草, 黑胡椒

做法:

把雞洗淨, 切去頭及腳, 把50克牛油, 調味料塗勻雞全身.

然後把少量蒜頭放入雞腔內, 其餘放雞面或底. 把橙切開, 擠橙汁淋雞面. 再加200ml溫水. 放入預熱180度的焗爐內, 焗1.5小時.

每半小時取出來,把雞汁掃上面, 把橙又掃下雞面. 1小時後加入西蘭花一起焗,再把餘下的50克牛油塗上雞面. 當焗了1小時15分鐘時, 我把雞汁倒出來,把雞反轉, 希望雞肚的位置都焗成金黃色, 可是不夠. 下次要在1小時便反轉雞.

1.5小時後, 完成了.

味道不錯, 內質很滑. 只是皮不夠脆, 如果想皮脆下次要在最尾5分鐘轉大火焗. 其實焗雞都很簡單, 不過時間長了點. 勝在肉質夠嫰, 果然要慢工出細貨.

8周年慶祝飯@HOME

今天一早便出去油麻地的化驗所做化驗, 兩小時內抽了三次血驗了三次小便, 其餘時間呆坐. 十分不願意放假都要留在油麻地這個人多車多的地方(Opps...市區恐懼症) , 吃完個海南雞飯就回屯門做gym.

今天是同肥肥拍拖8周年紀念日,原先訂了銅鑼灣的Kudos,但肥肥說不如省點錢在家裡煮. 這樣也好呀,反正我減肥期間不適宜食自助餐的.肥肥還說的親自主理鹽焗雞....

好!看看今晚食了什麼 (其實這樣食已破了減肥的戒......)
1. 有一碟"其貌不揚"的就是肥肥主理的鹽焗雞. 煮法我可不知道啊, 他懶秘密咁唔俾我理. Om,至於賣相, 碎濕濕的, 肥肥說這是手撕雞喎.....味道方面...真係好好味的!!鹽焗雞好入味, D雞肉質亦夠嫩滑, 肥肥說花了數小時做的, 不錯的啊!
2. 雜菜沙律加了麵包粒及蕃茄仔, 配零卡路里的意大利香草source, 肥肥大讚又fresh又好味, 佢話百吃不厭喎!
3. 响螺煲瘦肉湯 - 在百佳買了五粒急凍响螺頭, 出一出水,加瘦肉煲兩小時, 超鮮味又好味, 今次用瘦肉煲湯唔用豬骨, 所以煲湯無咩油幾light.
4. 忍不住買的滷水豆腐
白酒, 減肥期間不可飲, 只飲了兩口.

其實這一晚都無咩節目, 同平時一樣咁過.....om.....好似欠咁D野咁.....

一人前是日晚餐

肥肥原定今天回家, 可是佢又要留在大陸不能陪我了. 今天只有我一個人食晚餐. 這款一人前晚餐是我近來很喜愛的配搭.

1. 灣仔碼頭水餃(9粒裝) - 9-10粒裝的水餃份量剛剛好, 一包約300kcal, 有蝦做餡, 不太肥而且有暖湯. 是冬天窩心之選. 旁邊是水餃的調味醬, 由桂林辣椒油+少許麻油+少許豉油自行調配, 好惹味的.

2. 青瓜蟹棒沙律 - 三條小青瓜切片, 拌上吉豬島日式芝麻沙律醬(這個是重點!! 一樽沙律醬索價$37!!但真係好好味, 令沙律生色不少!!)再加蟹棒. 五分鐘食得, 方便好味.

3. 滷水豆腐 - 這是吉豬島現成食物. 無技巧可言. 一般我會自己做蒜容凍豆腐, 不過今次用現成的.

4. 養生plan說每天都吃生果, 今天的生果是新鮮菠蘿片3片, 好甜好多汁.

今次晚餐份量多左D, 吃到一半已很飽, 下次可以skip左豆腐.

自家煮 - 年三十晚團年飯

兩家人的做節飯已於上周未周日食了, 今年的年三十晚大除夕飯, 就在家裡我同肥肥兩個人食. 肥肥好堅持年夜飯要好有氣氛, 又買吉擺全盒(仲買埋壇香tim!), 又話要整過年餸, 我自己就覺得只有兩個人無咩必要搞咁多野, 煮年夜飯D傳統餸又麻煩我又唔識煮....唉.....佢咁有興致我咪煮下law.....

 結果只有兩個人, 卻做了6樣餸....真係癲...

六個餸....兩個人得兩個胃ja

第一道菜是魚, 象徵年年有餘, 意思真好, 希望我兔年的戶口都係一樣, 月月有餘.....-_-"

這條魚是肥肥買的, 他說我平日買的是二十元的收檔淡水魚, 過節要食好D, 買了一條70大元的紅鮋, 幾新鮮彈牙.

之後還有百佳特價超大虎蝦($95/盒,每盒5隻) ,做法是開邊煎, 吃是不用用手開殼, 可用快子打開, 很方便, 又啖啖肉.

再來是肥肥主理的過節餸, 南乳池菇, d池菇有d苦, 南乳煮齋有點太咸.......

跟住仲有我做的冬菇炆海參, D海參化曬唔見左, 不過個冬菇雖然炆得不是太淋, 但都OK呀,第一次整冬菇算係咁啦!加埋D乾瑤柱, 唔打得都睇得呀~

另外仲有一隻雞同茄汁蝦...這一餐算係咁啦, 我俾自己75分, 第一次做過節餸, 還算有模有樣吧, 只係欠一個湯, 不過太花時間了, 如果有埋就perfect!

波波同大家拜個年啦! 祝大家兔年行好運! 兔氣揚眉!!

見習煮婦 - 周日煮

每逢周未/日, 總會騰出起碼一天自家煮. 今個星期仲激, 兩日都自家煮, 星期六凍凍地, 行開吉之島, 順便買埋料整日式shabu shabu, 買了日式豬骨湯底, 第一次食日本產的豚肉, 果然真係好好味喎! 唔通made in Japan真係唔同d? 連d豬都好味d! 哈哈

星期日, 早上一早便回大埔, 吃了媽打的粥, 好味. 問了媽打如果擺酒想要幾多圍, 佢愈數愈興奮, 睇倒佢地咁開心, 我真係想好好地攪一場大龍鳳"乙水"佢地開心!! 之後返屯門, 想飲d湯水, 特意到街市買點餸, 買五條大眼雞煲了一煲番茄薯仔魚湯, 呢樣野係我拿手湯水, 永無失手, 哈哈.


番茄薯仔魚湯

街市本想買白鱔, 但係好貴又唔靚, 見倒d泥鯭好平, 不過死左的, 原來d泥鯭好多都凍死左呀! 所以只係$16/斤!!超級抵, 買左1斤返去用果皮蒸, 一樣咁鮮味, 有成十幾條, 多到食唔曬啊~ 

果皮蒸泥鯭

 另一樣又係拿手土豆炆雞翼, 香口, 好味, 無得彈, 呵呵~

土豆炆雞翼

見習煮婦 - 三色湯

今日沒有上班, 肥肥又返左大陸, 得我一個人在家, 逛到超市, 買了現成湯包回來煲下湯. (煲湯的原因其實係....因為買左個新湯煲...哈)

步驟: 把豬肉飛水, 然後把所有材料放煲煲了2.5小時. 其實煲湯一D都唔難, 係無時間睇火姐!

小小評語: 可能貪心落得太多水, 味不夠濃, 75分.

榴槤布甸

今日食左自家首製榴槤布甸, 出奇地超級好味, 極濃榴槤味, 而且布甸質感滑滑, 雖然我係跟住食譜做, 但家中沒有量杯, 糖, 奶, 魚膠等份量都是憑感覺下的, 又俾我撞倒咁好味! 唔通我真係咁有天份?? 哈哈哈....

食譜來自http://shirleyliving.mysinablog.com/index.php?op=ViewArticle&articleId=1688588

老了嗎?

星期五, 廚神夫婦+肥威來了我們家. 一齊鐵板燒. 鱔, 花竹蝦, 牛柳粒十分美味. 不過飽餐過後, 清洗工作很累.

星期六, 跑出又一城學化妝班. 預繳了一百大元, 化了一個妝, 可以換番產品. 不過一百元在這名店內不能買任何產品, 結果, 買了六百元, 包括一枝$350的化妝掃, 真係鬼遮眼。趕回家準備girls gathering, 姑團加Iris+Ryan似乎是新的組合. 特意一早把帶子刺身解凍，又用埋剩餘的醉雞汁做醉雞翼。小公主把Haru帶來, 我解釋俾佢知我新居被禁事件要佢屈就Haru實不好意思. 晚上還有Mr.hk做餘興節目真開心.

星期日同廚神夫婦入貝澳摸蜆, 同場加映娜姐及羅仲謙, 羅仲謙童顏巨乳真係名不虛傳, 目及到姐姐好開心. 趕到入貝澳, 落水一小時, 得一只蜆. 不過都係基哥犀利, 有佢喺度, 我同肥肥又有成桶蜆攞走lu.基哥一家真係好好人, 肯為飲醉的肥肥渣車到屯門.

一連三天的活動, 很累, 是老了嗎? 以往初初同肥肥拍拖時，常常責怪他怎麼老是要留在屋企休息，現在的我就經常想留在家裡休息，我想不是我老了，可能是因為我有一個舒服的家。
同場加映，星期一晚餐。(p.s.切辣椒時不慎途手切, 搞到隻手沾有辣氣, 除con及帶con時極拿眼, so hurt!!)

油鹽水煮蜆

XL帶子刺身

第1煮

今日同seven仔行左大埔中心, 大埔吉豬島正進行執笠大減價, 開左咁多年既吉豬島要執笠, 有d唔捨得, 無得"日日開心於吉豬島內", 不過聽聞之後會開一田, 都好呀, 我最鐘意一田~

因為拎d野太重了, 叫左肥肥過黎大埔車我, 順便俾seven仔呢個新牌仔學下車, 不過肥肥話佢太緊張了, 要practice多d先可以上高速公路. 肥肥同seven仔一齊在偉景樓下練左成個鐘先上黎, 不過seven仔一場黎到都無上黎就走左人, 唔知佢搞咩.

之後我就同肥肥鑽野啦, 安左雜誌架, 毛巾架同調味架, 仲欠窗簾同碗碟架,之後再在廚房煮我地新屋的第一餐.....其實廚房仲欠好多廚房用品, 而且我都只係o係樓下惠康買埋d方便餸.....我這個沒用的主婦要見笑了....



叉燒炒蛋, 蒸排骨, 清炒白菜仔, 白飯兩碗.

今天很累. 新的床終於送來了. 好C服.

自製木頭蛋糕

不要誤會, 為應付自已team的New Year Eve Lunch Party, 我只不過是買了一條本公司出品的十蚊瑞士卷, "紋"上自己打製的忌廉, 上面再灑上朱古力粉同屋企剩低既藍莓, 就成了呢條木頭蛋糕喇~

至於d糖公仔, 就係已經在公司個雪櫃放了半年的sample, 入面仲有一隻絕版既"河馬老母", 你地發唔發現倒呢?

(放心, 我地無食到d糖公仔, 食左都唔知會唔會中毒身亡...)