3D肉蒲團之極樂寶鑑

今日睇左呢套戲, 期待已久的<3D肉蒲團之極樂寶鑑>, 其實港產咸片我都看過幾套, 例如金瓶梅一二, 玉蒲團等等, 一直都覺得其實佢地既製作都好認真, 角色既衫呀, 場景呀都唔比其他"正常"古裝片差, 而今日呢套仲更加認真, 出動埋"3D", 加上全套戲都好緊湊, 娛樂性豐富, 比起之前睇過的"風雲2"好睇好多 (都係3D古裝片).

呢套戲真係要幾淫有幾淫, 要幾操口有幾操口(幾欣賞果D港式三級操口, 有一段燃來燃去幾好笑),要幾變態有幾變態(好似其他人話齋, 似滿青十大酷刑). 當中可以話每一分鐘都有性愛鏡頭出現, 由頭搞到落尾, D呻吟聲由頭叫到落尾, 露點場面多到數唔曬, 又有好多好多肯露點既演員(不過中間有D質素真係....佢除曬衫我都唔係好想睇....), 而且打鬥場面果d沙沙石石飛出來都做得好"3D", 所以話呢, 娛樂性豐富, 值得一看!

當然啦, 聽過好多comment又話佢D情節好夾硬呀, 港式咸片不嬲都係咁, 比起日本既4仔, 已經唔夾硬架喇!

Oscar Obession II - 皇上無話兒

昨天和楊看了奧斯卡最佳電影 - 皇上無話兒. 抱著看大片的心態, 男主角的演技真是不容置疑, 戲中有好多關於二次大戰時英國皇室的習性, 我估英國人可能會看得很投入. 而我就覺得不過不失. 最佳導演亦是這戲的. 很英國人的樣子, 很配他的名字 - Tom.

另外今個星期亦租了一套電影 - 幻險巴黎 美女魔龍木乃伊......我從來沒有看過這類電影(即個戲名有三個字的e.g. AA BB CCC) 有少少科幻片的影子.....但係...um....科幻不夠"給力", 有點勉強, 內容亦很勉強, 特技亦是. 法國人的科幻細胞.....不過這電影確有點法國電影的影子(有些勉強的懶風趣-_-"). 不過, 女主角很靚, 有d似安祖蓮娜祖莉. 嘻.

睇完呢兩套戲, 覺得自己遊歷了兩個我以為自己去左的城市: 巴黎及倫敦. 其實睇咁多奧斯卡電影, 不外乎想證明, 社交網絡should be the best!! 真為這電影不值啊!!!!








P.S. 今天再次堅持去看屋企樓下果個保險網絡醫生(即係上次去睇耳仔話唔幫我睇我重新排過隊果個!!怒!!), 我以為要迫佢寫紙俾我睇專科啦, 點知佢即場幫我用條喉仔沖D暖水入耳仔度幫我沖番舊陳年大耳屎出黎, 即時通曬呀!!!正!!!!!!!!好感謝佢tim....@_@

Oscar Obession I - 有人喜歡藍 Blue Valentine & 127Hours

睇完奧斯卡, 又係時候煲下D大片, 啱啱睇左"有人喜歡藍". 女主角獲提名最佳女主角, 黃又推介呢套戲, 就download來看看吧.

很多人(包括我)都拿這套戲和"浮生路"比較, 畢竟兩戲想表達的意思都很相似. 睇完之後都係覺得好"blue". 有D影評話呢套戲可以俾D情侣借鏡, 但我看就不行. 因為有D野係你無法估計, 無法改變, 無法計劃的. 因為最大的敵人是reality.Reality是無情的來, 無情地把sparkling的愛吞噬. 睇完之後自己會諗 : 與其早知係咁,但又可以點?

這套戲的中文譯名叫"有人喜歡藍", 中文的"藍"沒有英文的"Blue"所蘊含的意思. 有可能譯者想同蘇永康果首"有人喜歡藍"拉上小小關係....

"我不清楚根本天生喜歡那樣藍

還是我已對你這種色彩太習慣
世間繽紛風景好比煙花匆匆一剎　便吹散
看盡濃和淡　還只有它不散"

但其實戲中的藍, 更藍.

另一套戲是獲提名最佳男主角的"127Hours". 齋聽內容都覺得有點似cast away那類求生獨腳戲的電影. 看過後我覺得更像明珠台依排好Hit 的"人在野 Man vs Wild". 有興趣看看, 星期三九點半明珠台有得睇.

當然啦, 127Hours內表達男主角的求生意志才是重點.

援膠女郎 Airdoll

上星期同黃及羅子去左百老匯電影中心睇<援膠女郎>.買票時看錯時間以為是九點開場, 去到門口才發現原來是9:55, 結果睇到十二點先返屋企.以為藝術電影無咩人睇, 原來都幾full喎. 可能大家都被題材吸引吧!

以下內容涉及電影情節, 不喜勿看.

先談片名, 這是一套日本片, 日文叫<空氣人形>, 港譯<援膠女郎>. 這個譯名可說是很爛.電影內容同援交少女完全拉不上關係, 頂龍同塑膠的"膠"有關(因為主題講吹氣公仔), 但"膠"字實在俾網民玩得深入民心. 如果說同網民(or some people will relate to 宅男/隱青)扯上關係的話, 還可以說得過去.不過, 我還是覺得直接叫番做<空氣人形>會恰當d.

談談日本電影. 我起初是被電影的劇情吸引, 吹氣公仔變人, 一個現實化兼難以啟齒的成人物件加科幻元素, 題材方面甚有看頭(也甚具商業味), 忽略左這其實是一套藝術電影(即非主流電影),看過電影後, 感受到導演要帶出更多的message,絕不像商業電影段沒帶腦子看戲嘻哈兩小時便算(喂~我有帶腦子的啦!).

其實我蠻喜歡這種電影. 心裡覺得十分耐看. 而我對日本非主流電影的經驗是比較缺乏的.印象中只有很久以前看過一套極好的電影<令人討厭的松子的一生>外再沒看日本電影(當然這是兩套風馬牛不相及的電影),兩套電影其實都不錯的說.(不過, 日本電影的節奏都很慢)

談談電影主幹, 劇情不多說,大概是吹氣公仔變人後, 由對世界好奇的新生兒變為厭倦社會以自殺了結自己的生命.當中帶出社會裡所謂的"人"其實都只是空心的,彼此之間都是隔膜.在香港, 我倒不覺得人際關係的疏離得如此嚴重.或者日本如是, 又或者是導演把局部的"腐壞點"放大, 令觀眾更深刻. 劇情的發展, 未段的悲觀思想令我有點意想不到, 或是因為頭段描述新生命的好奇美好太幸福, 又或是我慣性看"大團圓結局"的電影所致, 令我踏出戲院一刻心情好像蠻沉重的.

又談談電影的其他, 一開頭有描述男主人同吹氣公仔咩咩的情節, 嘩, 我真係覺得好變態. 畢竟這是我從來沒幻想過的畫面(就算睇AV都唔會有男人同吹氣咩咩的場面吧!)而且咩咩既時候仲發出塑膠磨擦的吱吱聲....

又有變態宅男的片段, 去Maid Cafe, 愛裝人裙底, 仲買個Maid figure用camera影住在電腦睇番對住打飛機, XX癖令人打冷震.

後尾男主角的結局, 套戲好似由愛情電影變左做鬼片咁....

藝術電影, 經常以黑色幽默的方式去表達. 以下幾句又幾深刻..

「因為我有一顆心，所以我說了謊」

「我曾經擁有了心，因此我痛苦過」

片中引述一首詩, 看完整套戲後睇番, 嗒落有味.

「生命は」 吉野弘

生命 可能是 無法以自身之力成功的完滿

而被創造出來的 好比花

就算將雌蕊與雄蕊聚集 也不足夠仍需昆蟲與微風的造訪

連繫起雌蕊與雄蕊的關係生命本質上 便懷有重要的匱乏

並因他者的存在而完滿

世界 或許是 所有他者的總合然而

我們彼此 對於自身這份重要的匱乏 毫無自覺

也未曾被告知原來我們是被播散的種子

總是冷淡的距離然而有時

再難忍卻也能維持住的關係就這樣

世界被巧妙的構築了

這是為什麼?

花盛開著 近身一看便發現像馬蠅這樣他者的存在

在光線的纏繞中飛舞著
曾幾何時

我也成為誰的馬蠅吧？

曾幾何時

你也是得以完滿我的那微風吧？

P.S.我寫的9up實在太爛, 在網路上找來這篇看後感. 也許你才會看得明白.

空氣人形 (援膠女郎) - From SiU NA Blog

吸血新世紀Twilight

今日同黃去左睇戲, 在yahoo影評見倒有五粒星咁堅, 所以好想睇.(對! 我就是這般無性格)
果然無揀錯, 要推介下呢套電影: 吸血新世紀 Twilight

一睇套戲名就知道係有關吸血疆屍(香港譯戲名係咁上下...), 唔好以為係恐怖片, 其實係不折不扣的愛情片. 疆屍mix愛情, 不外乎係人屍戀. 令我諗番起亞視果套"我和疆屍有個約會", 當然, 呢套浪漫一萬倍.

老土橋段往往令觀眾著迷. 好冧入面的一句對白, 男女主角比喻自己是獅子和羊;

Belle :"我是一隻很笨的羊"

Edward: "咁我係一頭有自虐狂的獅子"

......真係冧到爆. 睇番男女主角真人其實唔算好靚仔靚女, 但係套戲真係拍得佢地好天生一對. Edward對Belle的甜言蜜語, 我想任何一位女仕都會死在他手上吧! Edward望著Belle的眼神, 亦把我誤殺了.

這是一套浪漫到死的電影. 但表達方法男女皆宜, 絕對唔會打冷震同作嘔.

唔講咁多, 去個trailer俾大家止止渴先.


值得一提係戲中描述Edward一家的編幅, Edward帶Belle返屋企, 一家人玩棒球, 疆屍一家的生活其實也很健康的. 結尾時好明顯是鋪排了第二集的伏線, 衰鬼, 又要再冧人一次.

----------------------------------------

相關連結:
《吸血新世紀》魔童玉女 - 睇下其他人的影評.