肥佬著西裝@搞掂肥肥pre-wedding西裝了!

因為肥肥的身材, 所以一般租衫店未必有佢size, 所以肥肥pre-wedding的西裝決定在荷里活平平地訂造一件. 我地之前都無咩做research, 入到去隨便挑了一間, 是肥肥挑的, 原因是店內有張紙大大隻字寫住 : 有 肥 仔 碼 . 哈哈哈.

影pre-wedding的衫, 因為配合布吉的陽光與海灘feel, 特登揀左D淺色的款式, 而且不用做燕尾, 比較casual. 不過肥肥著起上黎, 的確好似一隻肥企鵝.

哈哈, 咁我唯有同一隻肥企鵝影婚紗相啦! 其實呢間野質素同服務只是一般, 一般度身後一星期便可取, 便第一次攞衫時件裇衫太鬆了要再改, 又唔記得攞埋個腰封俾我地, 搞到我地要再來一次. 不過$1080全套(包外套, 西褲, 裇衫, 煲呔, 腰封), 這個價錢唯有將貨就價啦. 其實影相的話D料都acceptable架!

{鴻基男士時裝
旺角荷里活購物中心閣樓M29
電話: 35832378}

到時諗住pre-wedding影完之後, 接新娘都著番, 著兩次, 抵番! 哈!