肥佬著西裝@搞掂肥肥pre-wedding西裝了!

因為肥肥的身材, 所以一般租衫店未必有佢size, 所以肥肥pre-wedding的西裝決定在荷里活平平地訂造一件. 我地之前都無咩做research, 入到去隨便挑了一間, 是肥肥挑的, 原因是店內有張紙大大隻字寫住 : 有 肥 仔 碼 . 哈哈哈.

影pre-wedding的衫, 因為配合布吉的陽光與海灘feel, 特登揀左D淺色的款式, 而且不用做燕尾, 比較casual. 不過肥肥著起上黎, 的確好似一隻肥企鵝.

哈哈, 咁我唯有同一隻肥企鵝影婚紗相啦! 其實呢間野質素同服務只是一般, 一般度身後一星期便可取, 便第一次攞衫時件裇衫太鬆了要再改, 又唔記得攞埋個腰封俾我地, 搞到我地要再來一次. 不過$1080全套(包外套, 西褲, 裇衫, 煲呔, 腰封), 這個價錢唯有將貨就價啦. 其實影相的話D料都acceptable架!

{鴻基男士時裝
旺角荷里活購物中心閣樓M29
電話: 35832378}

到時諗住pre-wedding影完之後, 接新娘都著番, 著兩次, 抵番! 哈!

confirm 了出門酒店@ Sheraton

上次同媽咪試完衫之後, 去了九龍酒店看一下出門酒店套房. 我起初選九龍酒店的原因是貪佢近半島, 只是過條馬路而已! 很方便呢! 而且套房價錢只是$2100, 真係很合預算! 可是實地考察後很失望啊, 因為房間面積太小了, 個廳仲細過我屋企個廳......想想當天同時有5個兄弟+5個姊妹+3個家人+我同肥+3個攝影=18人, 真是擠不進呢....

於是我便找找其他酒店吧, 索性問半島, 她回覆套房當天租價是$9000/晚!!!!(OMG!!真是天價), 實在無能力負擔啊....找找旁邊的Sheraton吧(本身以為很貴, 但她quote的價是$3500,都acceptable喎!) 所以今天便去看看房間吧!

本身plan好食完萬豚屋先去, 點知都係因為肥肥遲出門口所以去到又無得食了, 所以去了韓國街食韓國野. 這裡的韓國菜確是很地道, 店員和顧客都是韓國人. 可是一碗餃子辛辣面都要$64碗....真係有點貴呢....

到達Sheraton,本身安排了參觀的Executive King Bed Suite($3500/night), 個廳的確大過九龍酒店, 但都不是算很大, 而且亦沒有景觀(雖然景觀不是很重要....), 而最普通的Deluxe Room( for老豆同細佬過夜)都要$2600/night.

之後我問接待員有無其他廳大一點的房型, 他知道我是婚禮出門用的便推介我到另一房型: Harbour View Suite (Two Double Bed). 這可是Sheraton最貴的房型呢! 打開房門就知個廳夠大了, 的確夠容納18人呢! 而且仲望海, 最大的好處是: 2 Double Bed !! 兩張雙人床, 雖然只係Queen size,但都可以訓倒4個人喇!! 咁樣咪唔使再租多間deluxe room, 價錢是$4000/night, 計落都係同九龍酒店租兩間房差唔多, 咁梗係揀Sheraton啦!

而且唔使落訂只需用credit card reserve, 一天前cancellation都唔使收費, 咁梗係hold左先啦! 哈哈哈!

到時出門過條馬路就到半島了, 花車都慳埋, yeah!

搞掂了媽咪衫~yeah!

之前我曾單槍匹馬到位於金巴利道的紫水晶睇過, 都知道佢地有好多媽咪衫. 網上的評價對這間店都不錯. 我估媽咪應該可以在這裡揀倒衫的, 所以便預約了這裡試衫.

早了一小時來, 剛好來的時候沒有客, 但愈來愈多客了, 同時有三枱客揀衫. 先看相簿揀衫, 又給sales姐姐看看上次在金都試過的裙. 相薄有很多款式, 西式到隆重旗袍款都有.媽咪挑了兩三件都比較密實的(即係唔low cut又有袖的), 試了三件, 終於揀左呢一件:

呢件係第一件試的, 我鐘意媽咪著淺色, 因為較清新及午間的感覺, 很適合我的午宴. 而且這一件的款式亦較西式, 食西式buffet最啱啦! 呢件杏色晚裝仲配搭一套的披肩, 很合襯啊!而且亦合乎媽咪話要襯金器同唔拖尾的要求.

一路試都有問老豆意見, 佢話佢"NO COMMENT", 佢話三十年前中過招, 決定唔答喎. 哈哈.最後confirm了這一條, 價錢只是$800, 比我心目中平啊, 很開心可以KO這一件事~YEAH!

問過這一間店, 她們是沒有褲款的媽咪衫. 哈, 好啊, 肥肥阿媽自己搞掂, 我唔理佢了!

這間店真的不錯, 媽咪衫推介!

{紫水晶
尖沙咀金巴利道48號東匯大廈1樓A室
電話: 2601 2880}